LEIKNIR-Valur 17:00 í dag

Við minnum á að það eru 3 klukkustundir í að leikar hefjast á Domusnovavellinum gegn Íslandsmeisturum og toppliði Vals. Þetta er 3. síðasti heimaleikur tímabilsins hjá okkar mönnum og hefur gífurlegur meirihluti stiga unnist á heimavelli í sumar. Það er því ákaflega mikilvægt að Leiknisfólk láti sjá sig og láti heyra í sér í dag.



Leiknismenn hafa misst sinn langmarkahæsta leikmann, Sævar Atla, í atvinnumennskuna og það verður því áhugavert að sjá hvernig menn bregðast við því á vellinum. Emil Berger, alger lykilmaður á miðjunni í sumar, tekur út bann og líklegt verður að teljast að Árni Elvar komi ferskur inn þar. En það er víðar sem þarf að fylla skörð því allavega 6 af háværustu Leiknisljónunum eru nú föst í sóttkví og missa því að leiknum í dag. Við hvetjum þig og alla þína því til að stíga upp og brýna raustina í stúkunni í dag fyrir okkar hönd. Að venju tekur Álfurinn í Hólagarði vel á móti Leiknisfólki á leikdegi með tilboði á barnum. Þar sem engar veitingar eru leyfðar á vellinum mælum við eindregið með því að fá sér einn eða tvo hjá Soffíu og hennar teymi og mælum við sérstaklega með hamborgaranum þeirra. Fyrsta flokks hverfispöbb allra Leiknisjóna.


#ÁframLeiknir

#HverfiðKallar

#StoltBreiðholts

17 views0 comments

Recent Posts

See All