Bjarki Aðalsteinsson

Miðvörður

Treyjunúmer #4

1991

Samningsbundinn til 31.12.2020

​

66 Leikir fyrir Leikni 0 mörk

129 leikir í meistarflokki með 4 mörk

​

Bjarki á KSÍ

Leikmannaprófíll Bjarka hjá JMU í BNA

Bjarki til Leiknis (5.des.2016)

Bjarki framlengir hjá Leikni (27.nóv.2018)

​

Bjarki Aðalsteins er hávaxni (194sm), hárfagri kletturinn í miðverðinum hjá Leikni sem hefur staðið í ströngu síðustu þrjú sumur. Hann er uppalinn hjá Breiðablik þó að meistaraflokkstækifærin í Kópavogi hafi takmarkast við 9 leiki fyrir Augnablik (B-lið Blika). Hann hefur einnig spilað fyrir Reyni Sandgerði og lengst af með Selfossi en hann hefur, eins og áður segir, fundið fjölina svo um munar hér í Breiðholtinu og fögnum við því. Árin 2012-2015 spilaði Bjarki fyrir James Madison háskólann í Virginíu-fylki í Bandaríkjunum við góðan orðstír. Hann var m.a. valinn í úrvalslið deildarinnar. Hægt er að skoða tilþrif hans með skólanum í myndbandinu hér að neðan og afrekin í riti í hlekk hér að ofan. 

​

Bjarki myndaði sterkt tíveyki með Nacho Heras í miðri vörninni í fyrrasumar sem lagði grunninn að ósigruðum seinni heilmingi mótsins. Eins og allir vita náðust ekki áframhaldandi samningar við Spánverjann og er því langmikilvægasta verkefni vorsins að finna félaga sem nær vel saman með Bjarka að loka vörninni aftur. Margir eru kallaðir en það tekur tíma að þjappa sér saman og vonandi tekst það von bráðar. Á meðan verður Bjarki áfram lykilmaðurinn og leiðtoginn í vörn liðsins sem hækkar róminn líklega enn frekar þar sem hann er ekki lengur með fyrirliða í markinu að garga ofaní hann. 

​

Bjarki er samningslaus í lok ársins og dettur í 30 árin á næsta ári. Pepsi Max glugginn er galopinn núna og hann þráir ugglaust heitar en stuðningsmenn að fá að reyna fyrir sér meðal þeirra bestu í fyrsta sinn á ferlinum. 

​

Bjarki er okkar maður og við krossleggjum fingurna að sjá hann loka markinu sem mest i sumar....og svo mætti hann alveg fara að stýra t.d. einu föstu leikatriði með kollinum í net andstæðinganna. Myndi það drepa þig Bjarki?