Brynjar Hlöðversson

The Legend Returns! Það þarf ekkert að kynna þennan mann til leiks þó hann hafi farið í tveggja ára klippingu til útlanda. Binni Hlö er einróma meðlimur í liði síðasta áratugar hjá Leikni, baráttuhundur á miðjunni og peysutogari með meiru.

Eftir spennandi tíma með Heimi Guðjóns í Færeyjum er maðurinn kominn aftur í Breiðholtið og ætlar að taka þátt í Operation Pepsi-Max öðru sinni. Það er þéttskipað á miðjunni að þessu sinni og spurning hvernig hægt verður að nýta krafta hans best. Það er höfuðverkur fyrir Sigga að halda öllum sáttum og ná sem bestum árangri á þessu svæði. En jákvæður höfuðverkur svo sannarlega.

Binni kemur til baka í gerbreytt umhverfi hjá sínu uppeldisfélagi þar sem síðustu félagar hans eru sestir í helgan stein og lyklarnir að kagganum komnir í hendurnar á litla 2.flokks stráknum sem getur ekki hætt að skora. Það verður gaman að sjá einn af gamla skólanum berjast með og tjá sig þegar þess þarf.

Velkominn heim Binni Hlö. Það er gott að vita hvar þú ert.

  • Instagram
  • Twitter - Black Circle